Türkmenistanda Birleşen Patyşalygyň wizasyny almak üçin dokumentleri nähili tabşyrmaly?

Maglumaty nireden alyp bolýarka?
Size Birleşen Patyşalyga gitmek üçin wizaň gerekdigi ýa-da gerek däldigi barada Türkmenistandaky Beýik Britaniýanyň ilçihanasyna baryp, ýa-da ilçihanaň internet saýtyndan bilip bilersiňiz.

Nireden maslahat alyp bolýarka?
Ilçihanaň işgärleri siziň anketaňyzy doldurmaga kömek edip bilmeýär, şeýle hem wizaň haýsy görnüşini almalydygyňyz barada maslahat bermeýär. Eger-de siziň anketaňyzy doldurmaga kömek gerek bolsa, ýa-da Birleşen Patyşalygyň emigrasiýa boýunça düzgün-tertipleri we talaplary dogrusynda maslahat gerek bolsa, onda siz hukugy bar bolan professional emigrasiýa boýunça maslahatçy ýa-da aklawçy bilen duşuşmalysyňyz. Birleşen Patyşalykda, Emigrasiýa Gulluklary Wekilçiliginiň edarasy hasaba alynan emigrasiýa boýunça maslahatdarlaryň sanawyny saklaýar.

Anketany nähili tabşyrmaly?
Anketalary Aşgabatda ýerleşýän Beýik Britaniýanyň ilçihanasynyň Wiza bölümine tabşyrmalydyr.

Wizaň beriljekligi/berilmejekligi barada kim netije çykarýar?
Birleşen Patyşalygyň Wizalary bölüminiň işgärleri anyklaşdyrýarlar we siziň wiza anketaňyz barada netije çykarýar.

Edilýän hyzmatyň hili dogrusynda - şikaýatlar we öwgiler.
Birlşen Patyşalygyň Wizalar bölümi ähli müşderileri üçin adalatly we professional hyzmat etmeklige maksat edinendir. Biz edýän hyzmatlarymyz baradaky pikirleri höwes bilen kabul edýäris, sebäbi olar kämilleşdirilmegiň gerek bolan ýerlerini görmegimize ýardam edýär.

Eger-de siziň bellikleriňiz bar bolsa ýa-da biziň hyzmatymyzdan nägile bolsaňyz, olary bize ýetirmegiňizi haýyş edýäris. Biz ähli şikaýatlary dolulygyna barlaýarys we 20 iş gününin dowamynda size jogabyny ýetireris.

Eger-de siz bu ilçihanada Birleşen Patyşalygyň Wizalar bölüminiň hyzmatyndan nägile bolup arz-şikaýat etmekçi bolsaňyz, onda şikaýatyňyzy Aşgabatdaky Beýik Britaniýanyň ilçihanasynyň wiza boýunça jogapkär wekiline gowşuryň ýa-da elektron poçtaň üsti bilen ýollaň: beasb@online.tm